Ansvar og instruksar

Overordna ansvar

Det overordna ansvaret for arkivarbeidet i kommunen ligg til rådmannen.

Arkivleiar

Arkivleiar inngår i stab- og støttefunksjon direkte under rådmannen.

Arkivleiar er leiar for kommunen si arkivteneste og skal gje rettleiing og føre tilsyn med arkivdanning og arkivoppbevaring i kommunen. Arkivleiar skal:

• halde seg oppdatert om den faglege og teknologiske utviklinga på arkivsektoren, og om endringar i regelverk for offentlege arkiv
• gje fagleg rettleiing til arkivpersonalet og syte for at arkivmedarbeidarane får tilbod om å utvikle  fagleg kompetanse og halde seg oppdatert
• gje nytilsette nødvendig opplæring
• rapportere til leiinga i kommunen om verksemda til arkivtenesta og leggje fram framlegg om tiltak som skal heve kvaliteten på arkivarbeidet
• utarbeide planar for arkivarbeidet
• kontrollere at arkivarbeidet skjer i samsvar med reglane i arkivplanen
• føre kontroll med at arkiva i kommunen er forsvarleg oppbevart og sikra
• ta initiativ til oppdatering/endringar i arkivplanen
• vere kontaktperson mot Kommunearkivordninga i Vestland kommunalt oppgåvefellesskap.

Arkivleiar er rådmannen sin saksbehandlar i arkivsaker og avgjer med endeleg verknad arkivfaglege spørsmål i kommunen.
 Arkivleiar er fagleg overordna alle som arbeider med arkivsaker i Askvoll kommune.

I delegeringsreglementet har arkivleiar rådmannen sine oppgåver etter §§ 6 og 8 i arkivlova og §§ 3 og 10 i offentleglova.

Personvernombod

Askvoll kommune har felles personvernombod saman med dei andre SYS-kommunane. Dette er meldt Datatilsynet.